Nagalaum ang Makabayan bloc nga mangin madinalag-on ang ikaduha nga impeachment complaint nga gin-file batok kay President Ferdinand Marcos Jr.
Lakip sa mga alegasyon ang mga “kickbacks” kag ghost projects sa idalum sang iya administrasyon.
Sa interview sang Bombo Radyo kay Representative Renee Co, sang Kabataan Party-List, iya ginpahayag nga gina-angut si President Marcos sa “BBM Parametric Formula” sa pagmanipula sang mga pondo kag pagtago sang kickbacks.
Ang formula nga Baselined-Balanced-Managed, nga pareho sa inisyal ni Pres. Marcos, ang Ginapahayag nga ginagamit sa mga proyekto sang gobyerno agud matabunan ang mga isyu sa korapsyon.
Suno kay Co, lakip sa mga reklamo batok sa presidente amo ang “betrayal of public trust,” nga ginakabig nga impeachable offense base sa Konstitusyon.
Ginalauman man Makabayan bloc nga magahatagan sang tsansa ang impeachment proceedings para mapanabat ang mga opisyal sang gobyerno.
Nahibaluan nga ginbaton na sang Office of the House Secretary General ang ikaduha nga impeachment complaint batok kay President Marcos.
