Positibo ang pag-abi-abi ni Dumarao, Capiz Mayor Atty. Mateo Hachuela sa mga programa nga ginlatag ni President Ferdinand Marcos Jr., sa iya ikalima nga State of the Nation Address (SONA).
Sa interview sang Bombo Radyo kay Hachuela, iya ginpahayag nga ginkalipay sini ang pagtakalay sang Presidente may ka-angtanan sa ekonomiya kag enerhiya, ilabi na ang plano nga padagulaon ang system loss sa bayranan sang kuryente.
Suno pa sa alkalde, gindayaw man sini ang mga inisyatibo sang administrasyoin agud mapahagan-hagan ang inflation sa pungsod kag mapabaskog pa ang food security, kag mapadayon ang modernisasyon sa sektor sang agrikultura.
Ginpahayag man sini ang importansya sa plano sang gobyerno nga magapatukod sang mga dam kag reservoir agud masolbar ang problema sa kakulangan sang supply sang tubig sa nagkalain-lain nga lugar.G
Ginasuportahan man sini ang plano nga kuhaon ang Value-Added Tax (VAT) sa nagkalain-lain nga bulong para sa mga nagakinahanglan nga mga Pilipino.
