ROXAS CITY – Nag-negatibo sa coronavirus disease (COVID-19) ang ikatatlo nga Person Under Investigation (PUI) sa probinsiya sang Capiz.
Ini matapos nga nag-negatibo sa amo nga balatian ang ginpadala nga specimen sample sang Provincial Health Office (PHO) sa Research Institute for Tropical Medicine (RITM).
Mahibaluan nga ang nasambit nga indibidwal ang isa ka 45 anyos nga Overseas Filipino Worker (OFW) gikan sa Hong Kong.
Samtang kasunod sini, nadugangan naman ang PUI’s sa Capiz nga ginapaidalom naman karon sa hospital quarantine.
Ang nasambit nga indibidwal ang naga-edad sang 40 anyos nga isa man ka OFW gikan sa Hong Kong kag nagpauli sa probinsiya sadtong Pebrero 1.
Nag-suprehir ini sang ubo sadtong Pebrero 14 kag gilayon nga gin-confine sa ospital.
Samtang, ginahulat naman ang resulta sang eksaminasyon sang RITM sa specimen sample sang ikaapat kag ikalima nga PUI nga lunsay nagapabilin pa karon sa ospital para sa padayon nga quarantine.
