ROXAS CITY – Normal kag manageable ang ilig sang trapiko diri sa syudad sang Roxas.
Ini ang ginpahayag ni Mr. Gonzalo Andrada Jr., pinuno sang Traffic Management Unit (TMU) sang mainterview sang Bombo Radyo.
Suno diri sumugod sang gindumilian na ang mga sidewalk vendors sa may Burgos Talipapa daku ang ginligwa sang dalan kag nangin maayo ang hulag sang trapiko.
Agud indi makaistorbo sa ilig sang trapiko, pagatugutan lamang ang one lane parking sa mga pili nga lugar.
Samtang, no parking both sides naman sa mga mayorya nga dalanon apang ginahatagan sang konsiderasyon ang mga kustomer sang isa ka establisyemento sa sulod lamang sang gintalana nga oras.
Pahayag sini nga magapangatubang sa penalidad ang madakpan nga nagpark sa mga ginadumilian nga lugar.
Dugang pa ni Gonzalo, nga pagatun-an pa ang ordinansa nga ginapatuman agud indi mapiyerde ang negosyo ilabi na sa Roxas Avenue.
