Ginkumpirma ni Kapitan Ricky Donado sang Barangay Mongpong, sining syudad nga siya ang nag-imporma sa mga kapulisan sa nagakahinabo nga iligal nga pabulang sa ila barangay sa diin isa sa walo ka mga nadakpan amo si Kagawad Jolito Almodiente sang Barangay 2, Roxas City.
Ginpahayag ni Kapitan Ricky Donato nga wala ini sang ideya nga isa sa mga nadakpan sang nagligad nga Domingo ang barangay kagawad.
Ginapanindugan sang opisyal nga madugay na niya nga ginabadlong ang mga nagpatigayon sang iligal nga bulang sa diin ginpakadtuan pa sini sa barangay tanod.
Apang nagpangita ang mga ini sang malayo nga lugar nga sa pagpati indi sila makita.
Nahibaluan nga ginpasakaan na sang panumbungon ang walo ka mga nadakpan kalakip si Kagawad Almodiente nga paglapas sa PD 449 ukon cockfighting law of 1974 kag RA 11332 ukon Mandatory Reporting of Notifiable Diseases and Health Events of Public HeaLTH Concern Act
