Ginbasura sang Manila Prosecutors Office ang illegal assembly charges batuk sa 10 Senatorial candidates sang Makabayan kag 3 activists bangud sa kadulaan sang ebidensiya agud ipadayon ang kaso.
Ang nasambit nga kaso ginpasaka sang Philippine National Police (PNP) sadtong Disyembre 17, 2024 nga nag-akusa sa mga respondent sa paglapas sa Batas Pambansa Bilang 880 kung sa diin wala nagapatigayon sang hilway nga assembly kag in-assault kag wala suno diri nagasunod ang mga ini sa otoridad sang ila ginlunsyar nga protesta sadtong Bonifacio day sadtong Nobyembre 30 sang tinalikdan nga tuig.
Apang napaslawan suno diri ang complainants nga magpresentar sang ebidensiya agud pamatud-an nga indi hilway ang protesta.
Wala man suno diri sang ebidensiya ang prosecutor nga nagapamatuod nga organizers sang nasambit nga event ang 10 senatorial candidates kag 3 activists kag wala man sang ebidensya ang ginapahayag injuries nga naangkon sang kapulisan.
Nakabutang man sa resolution nga apisar ginalauman ang mass rally nga may yara sang isolated instances sang commotion, wala suno diri nagakahulugan nga indi hilway ang kabug-usan sang aktibidad.
