Illegal nga droga nga nakuha sa isa ka PDL, posible naghalin likod sang pader sang Capiz Rehabilitation Center

Posible nga naghalin sa likod sang pader sang Capiz Rehabilitation Center ang illegal nga droga sang isa ka Person Deprived of Liberty (PDL)

Ang Person Deprived of Liberty amo si alyas “Adelar”.

Sa interview sang Bombo Radyo kay Arjuna Yngcong, Jail Warden sang Capiz Rehabilitation Center, iya ginpahayag nga sang amo nga tion nagpadulong sa comfort room ang nasambit nga PDL sang apang natalupangdan ini sang iya kaupdanan nga may kahina-hinala ini nga pagahimuon.

Bangud sini, gilayon nila ini nga ginreport sa duty jail guard.

Suno kay Yngcong sang ginrikisa ang amo nga PDL nakuha sa paghinakop sini ang duha nga sachet sang suspected shabu.

Sa subong, padayon pa nga imbestegaran sang mga otodidad sa amo nga insidente.