Nakumpiskar sang mga otoridad ang 18,811 ka illegal vape products kag peke nga tax stamps nga may total tax deficiency nga P36.51 million.
Ginpahayag sang Bureau of Internal Revenue (BIR) nga ang mga ginadumilian nga mga produkto sang vape ang nakumpiskar sa isa ka raid, nga gintingob nga ginpatigayon sang National Bureau of Investigation (NBI)-Organized and Transnational Crimes Division, sa Guiguinto, Bulacan sang Mayo 30.
Suno sa BIR, ang pagpatuman amo ang resulta sang pag-monitor sa mga aktibidad sa Facebook.
Ginsalakay sang grupo ang isa ka vape lounge nga naga-operate bilang front underground vape distribution makeshift warehouse nga nahamtang sa isa ka residential house..
Sa sulod sang lugar, natukiban sang mga awtoridad ang 4,789 ka salt nicotine units kag 14,022 ka conventional vape products, upod ang peke nga internal revenue excise stamps kag peke nga disposable vapes.
Pila ka mga empleyado nga nasapwan nga nagabantay sa online kag onsite operations sa tion sang raid, lakip ang mga online sales agents, upod ang tag-iya, ang natalana nga pasakaan sang kaso nga paglapas sa National Internal Revenue Code.
Ginahanda man ang mga kaso sa idalum sang Artikulo 172 sang Revised Penal Code, ukon Falsification of Commercial Documents.
Ginpahayag sang BIR nga nagtaas ang koleksyon sang excise tax kasunod sang paglunsar sang ila digital stamp verification system sang nagligad nga tuig.
Sang 2023, mga 11.2 million milliliters sang vape liquids nga nagganar sang P223.75 milyones.
Ang koleksyon nagsaka sa P942 milyones pagkatapos nga ginpatuman ang sistema sang selyo sang Hunyo 2024.
