Ginbasura sang Iloilo City Prosecutors Office ang panumbungon nga syndicated estafa kag paglapas sa Securities and Regulations Code and its implementing rules and regulation, in relation to cybercrime prevention nga ginpasaka sang National Bureau of Investigation (NBI) Region 6 batuk kay Junelyn Gregorio, CEO sang 25 days double your money investment scheme kag sa apat ka mga kaupdanan sini nga sanday Arnel Gimoto, Jessie Barriatos, Romeo Hernaez, Pio Castillanes kag Grace Ichon bangud sa kakulang sang ebedensiya kag probable cause.
Ginpahayag ni Atty. Jeremiah Sargado, Asst. Regional Director sang NBI-Region 6 nga wala ginkunsidera sang fiskalya ang transaksyon sang complainant nga nagdaho sang kuwarta kay Gregorio antes ang entrapment operation kag wala man
na-establisar ang partisipasyon sang apat ka mga kaupdanan ni Gregorio sa investment scheme.
Bangud diri, nahulog na lamang sa simple estafa ang panumbungon nga nangin alagyan para makapyansa si Gregorio kag mahilway kalakip ang apat ka iban pa.
Ginarespeto naman sang NBI ang nangin desisyon sang piskalya apang ginpalab-ot sa mga complainants kag investors nga may tsansa pa sa gihapon nga mahatagan sang hustisya ang ila mga complaints.
Nahibaluan nga may separado man nga panumbungon nga ginpasaka kay Obamos sa Roxas City Prosecutors Office.
