-- ADVERTISEMENT --
Ginmanduan ni Presidente Ferdinand “Bongbong” Marcos Jr. ang Department of Public Works and Highways (DPWH) nga pasabton kag i-blacklist ang mga contractor nga may kaangtanan sa mga delayed kag palpak nga flood control projects sa Iloilo.
Nakit-an mismo sang Presidente ang flood control projects sa lugar kadungan sang iya pagbisita kahapon. Partikular nga gintumod ni Marcos ang Flood Mitigation Project amo ang Sections 9 kag 10 sa Jaro nga ginapahayag nagpalala pa sa problema sang pagbaha sa baylo nga kuntani nasolusyonan.
Ginganyat man sini ang publiko nga makigbahin sa kampanya batuk sa korapsyon kag kapabayaan sa mga pampubliko nga proyekto pinaagi sa pagreport sang mga anomaliya sa sumbongsapangulo.ph.
