ROXAS CITY – Dismayado ang isa ka iloy matapos nagpaguwa ang Department of Social Welfare and Development (DSWD) Region VI sang pahibalo nga wala na sang pay-out nga matabo sa duha ka masunod nga Sabado, Setyembre 17 kag 24 bangud wala na sang pondo ang ahensya para sa educational assistance sang estudyante nga yara sa krisis.
Sa interview sang Bombo Radyo kay Marivic, na kanugonan gid ini bangud makabulig pa kuntani ang mabaton sang iya estudyante nga Grade 10 sa adlaw-adlaw nga pamasahe padulong sa buluthoan.
Apisar, ulihe na sa pagparehistro online, nagalaum siya nga makasulod sa gihapon ang iya bata sa masuwerte nga mahatagan, apang ginkasubo man sini ang balita nagikan sa natungdan nga ahensya nga wala na sang pondo para sa nasambit nga ayuda.
Nagapanawagan si Marivic, pananglitan madugangan ang pondo sang DSWD, nga hatagan sang prayoridad sang ahensya ang mga kubos nga estudyante kag matuod nga nagakinahanglan sang bulig.
