Iloy ginpaaresto ang kaugalingon nga anak matapos nga ginaalegar nagatuga sang kinagamo sa ila lugar

ROXAS CITY-Ginpakustodiya sa Roxas City Police Station sang isa ka iloy ang iya kaugalingon nga anak matapos nga ginaalegar nagmaoy bangud sa tuman kahulugbon sa Barangay Lanot, Roxas City.

Ginkilala ang nasambit nga iloy nga si Marieta Gulmatico 48-anyos sang nasambit nga lugar.

Sandig sa ginpabalhag sang tagreklamo nga yara sa idalom sang impluwensya sang makahulubog nga ilimnon ang anak sini nga si Manuel Jaye Gulmatico 28-anyos kun sa diin nagatuga ini sang iskandalo sa ila nga lugar.

Bangud diri, gilayon nga nagpangayo sang responde sa mga pulis ang nasambit nga iloy agud ipaaresto ang anak.

Sa karon, yara na sa kustodiya sang Roxas City Police Station ang amo nga suspek.