ROXAS CITY – Liwat nag-apelar sang bulig ang isa ka iloy agud ipanawagan ang iya anak nga missing sang halos duha na ka tuig sa Atlanta, Georgia, USA.
Emosyunal nga nagapangayo sang bulig si Elsie Bustamante sang Barangay Intongcan, Pontevedra, Capiz agud makit-an ang anak sini nga si Cecilia Bustamante nga naga-trabaho sa nasambit nga lugar.
Nabalaka ang ginang bangud nadamguhan sini ang iya anak nga iya ginakup-an kag tuman na ka-niwang.
Nahibaluan nga katapusan nga naka-estorya sang pamilya ang ila himata sadtong Oktubre pa sadtong tuig 2016.
Matandaan nga una na nag-apelar sang bulig ang pamilya ni Cecilia sa mga otoridad sadtong tuig 2016 sa diin mangin ang Filipino-American community sa Atlanta, Georgia ang nagbulig naman sa pagpangita sa Capizeña nga apang tubtob subong, wala pa ini nakit-an.
Nahibaluan nga may anak si Cecilia sa Filipino-American partner sini nga si Carlo Johnson.
