Iloy, nagpahanumdom sa mga pamatan-on nga mag-ulikid sa ila mga ginikanan subong nga Mother’s Day

Nagpahanumdom ang isa ka iloy sa mga pamatan-on nga mag-ulikid sa ila ginikanan subong nga Mother’s Day.

Sa interview sang Bombo Radyo kay Therisita Abenda, isa ka flower vendor, iya ginpahayag nga ang pagselebrar subong nga Mother’s Day isa ini ka special nga adlaw para sa tanan nga mga ginikanan.

Suno pa kay Abenda, ginatanyag niya ang pinamakamanami nga bulak kag presyo sini agud makapili ang mga pamatan-on sang bagay sa ila mga nanay.

Ginpabutyag man sini nga Alipay man siya sa iya nga mabaton ang regalo halin sa iya anak.

Pahayag pa niya, dapat man nga palanggaon sang mga kabataan kag hatagan sang importansya ang ila mga ginikanan indi lang subong nga Mother’s Day kundi sa pang-adlaw-adlaw nga pagpangabuhi.