ROXAS CITY – Indi matubos tulok sang isa ka Iloy ang nadangatan sang iya anak sa natabo nga pagpangluthang-patay sang riding in tandem, sa guwa mismo sang balay sang biktima sa banwa sang Pontevedra.
Sa exclusive interview sang Bombo Radyo kay Leny Dullano, ginpahayag sini nga wala sila sang madumduman nga motibo agud patyon gid ang iya bata.
Wala sang liwan nga handum suno diri si Kapitan kundi ang malinong nga Brgy. Tabuc.
Sa pagkamatuod, sa katapusan nga termino sang iya bata, strikto ini sa pagdumala sang ila barangay, rason nga nabuhin-buhinan ang mga ‘dungol’ sa ila lugar.
Dugang pa sang iloy nga yara gid sa pinsar sang iya bata ang iya upod bangud sang may tyansa na kuntani nga makasulod sa ila balay si Kapitan, nagbalik pa ini bangud nadumduman sini ang iya kagawad.
Blangko man suno diri sila nga magpamilya kun sa ano nga anggulo nakasala ang ila himata.
Matandaan nga may igu na sang pagpangluthang ang Kapitan sang nagikan ini sa Brgy. Hall, kag ginsundan sang riding in tandem suspects sa ila balay sa atubang sang munisipyo, apang didto na ginpasundan luthang.
Pagpati sang Iloy nga ginbayaran ang riding in tandem agud patyon ang iya bata.
Indi naman luyag pa sang pamilya ni Kapitan Dullano nga ipa-autopsy ang bangkay sini, kag ginatugyan sa otoridad ang pagsulbar sa nasambit nga insidente.
Nagapanawagan ang nasambit nga Iloy nga buligan sila sa pagtumod sang mga suspetsado.
