ROXAS CITY – Dead on arrival sang mag-abot sa ospital ang isa ka ginang matapos nahulog sa tricycle nga ila nga ginaakyan samtang pilason ang duha ka tuig nga apo nga nag-angkon sang menor nga pilas sa lawas kag ginabulong sa karon sa ospital.
Suno sa driver nga si Mr. Regie Albarda. 51-anyos sang Ilawod, Panay nga gikan ini sa Roxas City sakay ang isa ka pasahero sang magsakay ang maglola padulong sa boundary sang Barangay Tanza, Roxas City.
Nagabiyahe na sila sang hinali nga nakuha ang tapaludo sang tricycle kag nadulaan sang kontrol ang driver sa manubela matapos nagsulod sa goma sang tricycle ang tapaludo sini.
Bangud sa impact nagtabog ang ginang sa tunga sang karsada kag nag-angkon sang patal nga pilas sa ulo nga gintunaan sang iya kamatayon.
