ROXAS CITY – Emosyonsal nga ginsaysay sang iloy sang construction worker nga napatay tuga sang natiphag nga duta ang pagresponde sang katapo sang Pontevedra BFP.
Buhi pa kuntani ang iya bata kun insakto ang pagresue, ginsiling ni Lydia Delfano, Iloy sang construction worker, sang mainterview sang Bombo Radyo.
Ginkalain sang buot sini ang pamaagi sang pagrescue sa biktima sang mga rescuers bangud suno diri wala nagabulig ang iban nga rescuers sa pagkutkot sang duta kag isa gid lamang ang nagakapot sang oxygen malapit sa iya bata.
Luyag kuntani sang Iloy nga dal-on gilayon ang iya bata sa ospital apang gindapatan pa ini sang una nga pagbulong rason nga nadugayan pa ang lawas sini sa lugar sang insidente kag gindeklarar nga dead on arrival pag-abot sa ospital.
Dugang pa sini nga bag-o lang pauli ang iya bata gikan sa Saudi bangud nagatrabaho ini bilang family driver kag natalana ini nga magbalik bilang OFW sa maasunod nga bulan.
Suno diri, naga-extra lang kuntani ang iya bata upod sang pakaisa sini kag wala ginaekspektar sang ila pamilya nga matabo ang nasambit nga insidente.
