Iloy sang mag-utod nga Barretto nga si Estrella ‘Mommy Inday’ Barretto, nagtaliwan na sa edad nga 89

Nagtaliwan na ang Barretto matriarch nga si Estrella “Mommy Inday” Barretto sa edad nga 89.

Ini ang ginkumpirmar sang iya bata nga si Joaquin “JJ” Barretto pinaagi sa social media post.

Sang nagligad nga semana, ginsaylo sa Intensive Care Unit sang Saint Luke’s Medical Center sa BGC, Taguig si Mommy Inday matapos nga naglala ang iya kondisyon.

Apisar nga wala pa mahibaluan ang kabangdanan sang iya kamatayon, ginbuyagyag nga sang Septyembre 2024 nga may sakit siya nga lupus.

Matandaan nga humalin sang una nga semana sang Enero, naka-confine sa ospital si Mommy Inday, kag maid-id nga gin-share ni JJ sa social media ang kahimtangan sang iya iloy tubtob sa iya pagtaliwan sini kahapon nga adlaw.