ROXAS CITY – Tuman ka emosyunal ang iloy sang duha ka mag-utod nga ginluthang patay sa isa ka binaylihan sa Sitio Rosario, Barangay Lantangan, Pontevedra, Capiz samtang ginalaragway ang tuman ka sakit nga nabatyagan sa ginhimo nga patraidor nga pagpatay sa duha ka mga anak.
Ginpahayag ni Nanay Melinde Bangud, iloy sang mga napatay nga biktima nga sanday Felome Bangud 42-anyos kag Melfer Bangud 34-anyos wala sang kapatawaran ang ginhimo sang mga suspek nga yara sa likod sa pagpatay sa iya mga kabataan.
Ginpanindugan sang ginang nga magapasaka sila sang panumbungon batuk sa mga suspek nga ginhingadlan sini nga sanday Kagawad Joseph Manican, pakaisa nga tanod nga si Angelo Valois kag Elmer Balbagon, bangud luyag nila nga mahatagan sang hustisya ang kamatayon sang mga kabataan.
