Imbestigasyon sa mga ginareklamo sang mga pulis sang QCPD, suportado sang NAPOLCOM

Suportado sang National Police Commission (NAPOLCOM) ang nagapadayon nga imbestigasyon sang Philippine National Police-Internal Affairs Service (PNP-IAS) batok sa mga corrupt police officers nga nakabaton sang reklamo gikan sa Quezon City Police District.

Sa pahayag ni NAPOLCOM Vice Chair kag executive Officer Atty. Rafael Calinisan, nga indi na sila magpasilabot kag suportahan na lang nila ang imbestigasyon sang PNP-IAS.

Kumpiyansa suno sa opisyal nga masolbar sang PNP-IAS ang kaso kag gilayon nga makahatag sang maayo nga resulta halin diri.

Ginpasalig naman ni Calinisan nga kumpiyansa siya nga mapatuman sang husto ang imbestigasyon kag sundon ang due process batok sa mga corrupt police officers.