ROXAS CITY – Padayon ang ginapatigayon nga imbestigasyon sang mga katapo sang Bureau of Fire Protection-Roxas City Fire Station matapos nga totally burned ang isa ka panimalay matapos nga ginlamon sang kalayo sa Jovita Fuentes Street, Barangay Inzo Arnaldo Village,Roxas City.
Ginkilala ang tag-iya sang panimalay nga si Isagani Boje, negosyante kag residente sang nasambit nga lugar.
Sa interview sang Bombo Radyo kay Maria Asuncion Boje samtang nagakatulog ini sa ila nga panimalay bangud ginapahayag nagalain ang iya pamatyag.
Ginkakibot sini nga may yara na sang aso ang iya kuwarto rason nga gilayon ini nga naguwa kag ginsekyar ang palibot apang nakita sini nga ginalamon na sang kalayo ang ila nga panimalay.
Madasig ini nga nagpangayo sang bulig sa iya nga tiya nga si Marilyn De Vicente.
Gindugang pa ni Maria Asuncion nga ginaalegar sini nga nagikan sa napabay-an nga kalayo sa dapog sa ila nga kusina ang gintunaan sang kalayo.
Gilayon man nga nagresponde ang mga katapo sang Bureau of Fire Protection Roxas City Firestation agud mapalong ang sunog.
Samtang, base sa inisyal nga imbestigasyon sang mga bumbero nga posible nag-angkon sang electrical circuit ang ginhalin sang kalayo.
