Nagapadayon ang imbestigasyon sang mga kapulisan sa mass shooting nga natabo sa isa ka Salsa Festival sa Toronto, Canada nga nagresulta sa kamatayon sang duha ka tawo kag lima ang pilason.
Ang duha ka napatay amo nga sanday Shaquan Quashie, 25 anyos, kag Cesar Vernaza, 20 anyos.
Suno kay Bombo Radyo kay Valen Jude Jambaro, International Correspondent sa Canada, iya ginpahayag nga padayon ang mga otoridad sa pagkuha kag pag-usisa sang CCTV footage kag mga video nga kuha sang mga cellphone agud makilala ang mga responsable sa insidente.
Suno kay Jambaro, ang lima ka mga pilason ang padayon nga ginabulong sa ospital kag yara na nga estable nga kondisyon.
Dugang pa sini, base sa inisyal nga imbestigasyon sang mga kapulisan, ginapati nga target ang pagpangluthang sa amo nasambit nga lugar.
