Imbestigasyon sang mga otoridad kaangut sa kamatayon sang mag-iloy sa Barangay Lanot, nagapadayon

ROXAS CITY- Padayon ang ginapatigayon nga imbestigasyon sang mga otoridad angut sa nasapwan patay nga duha ka mag-iloy sa sulod sang ila nga puluy-an sa Sitio Riles Barangay Lanot, Roxas City.

Matandaan nga ang mga biktima amo si Elma Perla nagapang-edaron sang 72-anyos kag anak sini nga si Ruby Jean Perla, 35-anyos nga nagatrabaho bilang virtual assistant.

Suno sa mga otoridad, tubtob sa karon wala sang nagakaigo nga sabat angut sa kamatayon sang mag-iloy.

Dugang pa sini nga ginpahayag wala sang motibo sa pagpangawat ang ginaalegar pagpatay sa mag-iloy bangud wala sang kun anuman nga mga pagkabutang ang nadula sa mga biktima.