ROXAS CITY – Ginapadalman sa karon sang President Roxas Municipal Police Station ang imbestigasyon angut sa pagkasapo sang bangkay sang isa ka lalaki sa iya mismo puluy-an sa Barangay Lantangan, Pontevedra, Capiz.
Nakilala ang biktima nga si Robete Bolaño nga nag-angkon sang pilas sa ulo kag lawas.
Narekober sang kapulisan sa puluy-an sang biktima ang walo ka empty shell kag apat ka deformed slug sang .45 kalibre nga pusil.
Nadiskubrehan ang bangkay sang biktima, matapos nga ginpadulungan ang iya balay sang batchmate bangud natingala ini nga wala na siya nakaguwa.
Ba-se sa inisyal nga imbestigasyon sang kapulisan nga antes ang krimen, nag-inum inum pa ang biktima kaupod sang iya mga batchmates sa banwa sang President Roxas.
Ginaalegar nga pagkagab-I nakabati sang apat tobtob lima ka lupok sang pusil ang kaingid balay ni Bolaño, apang ginbalewala lamang nila ini, tobtob pagkaaga nakibot sang mahibaluan nga patay na ang biktima kag madamo sang pilas tuga sang pagpangluthang.
