Ginakonsiderar subong ni former Senate President Vicente “Tito” Sotto III nga posible may kaangtanan ang pagpahalin sa iya sa pamunuan sang Senado sa impeachment case ni Vice President Sara Duterte.
Sa isa ka interview matapos siya ginbuslan sang bag-o nga Senate President nga si Alan Peter Cayetano, ginpahayag ni Sotto nga may yara sang “mabaskog nga posibilidad” nga naapektuhan ang iya posisyon bangud sang iya gilayon nga pag-convene sang Senado bilang impeachment court sa gilayon nga mabaton na ang Articles of Impeachment batuk kay Sara Duterte.
Apang, ginpanindugan man ni Sotto nga wala siya sang kaakig sa iya pagpahalin, kag kabahin lang ini sang iya malawig nga eksperyensya sa pulitika.
Ginpahayag man sang anay lider sang Senado nga wala pa sang direkta nga nagpalapit sa iya agud ipaathag ang rason sang pagbag-o sang liderato.
Ginalauman nga matabo sa senado ang posible impeachment trial ni VP Sara matapos mapasar sang House of Representatives ang Articles of Impeachment batuk sa iya.
