Magapadayon subong nga adlaw ang Impeachment trial batuk kay VP Sara Duterte.
Sa tunga sang nagapadayon nga hearing, mahimo na subong ma-access sang publiko ang tanan nga mga dokumento nga may kaangtanan sa impeachment trial pinaagi sa opisyal nga website sang Senado.
Suno kay Senate President Sherwin Gatchalian, ini nga tikang ang kabahin sang pagtinguha sang Senado nga masiguro ang bukas kag transparent nga proseso sang trial kag mapabilin ang integridad sang institusyon.
Dugang pa, ginmanduan niya ang Senate Secretariat nga siguraduhon nga may bastante nga mga resources nga magamit agud bukas sa publiko ang mga dokumento sa tion nga ini mapresentar sa mga proceedings.
Paagi sini, mahimo sang publiko nga personal nga matumod kag ma-verify ang mga ebidensya nga ginapresentar sa impeachment court.
Sa katapusan, gina-engganyo ni Gatchalian ang mga Pilipino nga basahon, usisaon, kag hangpon ang mga trial para sa ila kaugalingon.
Ginhatagan niya sang importansya nga samtang nagapungko sila bilang senador-judges, ang matuod kag ultimate judge sa impeachment trial amo ang publiko.
