Ginalauman nga sa Hulyo 6 na maumpisa ang impeachment trial ni Vice President Sara Duterte kasunod sang caucus nga ginpatigayon sang mga senador.
Suno kay Senator Erwin Tulfo, naka-istorya na si Senate President Alan Peter Cayetano sa schedule sang trial kaupod ang mga myembro sang senado.
Pahayag niya, may yara anay sang regular sessions sa aga antes ang impeachment trial sa hapon humalin Lunes tubtob Myerkules.
Indi naman pabor si Tulfo sa ginaduso ni Senator Rodante Marcoleta nga pahanugotan si Senator Ronald dela Rosa, nga nagapangatubang sang warrant sang International Criminal Court, nga magboto sa impeachment proceedings apisar nga wala ang iya presensya sa plenaryo.
Panindugan ni Tulfo, ginpahanugotan lamang ang remote participation sang COVID-19 pandemic bangud sa lockdown restrictions.
