Nag-convene na ang Senado bilang impeachment court batok kay Vice President Sara Duterte.
Ini suno sa report, matapos madawat sang Senado ang Articles of Impeachment halin sa Kamara, ginpanumpa ang mga senador bilang mga “judge” nga magahukom sa kaso.
Sa ginhiwat nga session, nag-suksok sang maroon robes ang mga senador bilang simbolo sang ila papel sa impeachment court kag opisyal nga ginbuksan ang proseso sang trial batok kay Duterte, nga ginakaso sang “culpable violation of the Constitution,” graft and corruption, kag betrayal of public trust.
Napabutyag man nga may isa ka senador nga wala nakatambong sa pagbukas sang impeachment court, si Senador Ronald “Bato” dela Rosa, nga may kahilabtanan sa hiwalay nga isyu sa International Criminal Court.
