Magapadayon subong nga adlaw ang impeachment trial ni VP Sara Duterte kon sa diin pagapatigayunon ini nga wholeday.
Ini ang ginpakigbahin ni Senate President Win Gatchalian matapos wala ginhatagan sang Korte Suprema ang mga request para sa Temporary Restraining Order (TRO) kag Status Quo Ante Order may kaangtanan sa trial.
Suno kay Gatchalian, ang 11 ka sunod-sunod nga adlaw sang hearing ang magasugod buwas, umpisa alas 10 sang aga tubtob matapos ang proceedings.
Ginpaathag niya nga ang pila ka natalana nga mga hearing ginkansela bangod ang prosekusyon kag depensa naghingyo nga may bastante nga tion sa paghanda para sa nagapadayon nga trial.
Suno sa iya, lain ini sa nauna nga schedule bangud may tion pa ang magtimbang nga bahin agud magpreparar sa masunod nga adlaw.
Sa bag-o nga schedule, mahimo nga matapos ang hearing alas 7 sang gab-i gani limitado ang tion para sa preparasyon.
Ginpahayag ni Gatchalian nga dapat magpreparar sang maayo ang prosekusyon kag depensa agud malikawan nga maubusan sang testigo sa tunga-tunga sang hearing.
