Ginpanindugan ni Senate Minority Leader Alan Peter Cayetano nga indi dapat mangin rason ang impeachment trial ni Sara Duterte agud ipaiway sang Senado ang ila imbestigasyon sa ginaalegar flood control scam.
Suno kay Cayetano, importante nga padayunon ang hearing sang Blue Ribbon Committee bangud ginaalegar mas dako nga pundo ang involve sang kontrobersyal nga flood control projects kag indi dapat pagpabay-an ang mga isyu sa korapsyon samtang masako ang senado sa impeachment proceedings.
Ginkwestyon man sini ang panindugan ni Sen. Erwin Tulfo nga kinahanglan ang bag-o nga ebidensya antes mapatigayon ang bag-o nga hearing.
Nagpanawagan man si Cayetano sa mga kaupdanan sini nga senador nga magpabilin nga patas kag neutral sa pulitika samtang ginahimo ang ila katungdanan bilang senador-judges sa impeachment trial.
