Posible nga padasigon sang House prosecution panel ang pagpresentar sang ila ebidensya sa Senate impeachment court may kaangtanan sa alegasyon sang misuse of confidential funds ni Vice President Sara Duterte.
Suno sa House prosecution panel adviser kag spokesperson nga si Robert Ace Barbers, ginatun-an na sang mga prosevution kon bala kinahanglan nga ipresentar ang tanan nga nabilin nga mga testigo pagkatapos nga mapun-an ang pila ka mga kakulangan sa ila ebidensya.
Pahayag pa ni Barbers, mahimo nga ma-excuse ang pila sa mga testigo kun magdesisyon ang panel nga bastante na ang mga nauna nga testimonya kag dokumento agud pamatud-an ang ila mga alegasyon.
Una na nga ginpalip-ot sang prosecution panel ang ila presentasyon sa Article IV nga naga-angot sa gina-alegar pamahog ni VP Sara kay Presidente Ferdinand Marcos Jr., matapos nga ginpahayag nga bastante na ang ebidensya nga yara sa record.
Dugang pa, luyag nila nga matapos gilayon ang trial, ilabi na nga masako ang kongreso sa pagpreparar sang 2027 national budget.
