Gintalana sang Senado ang bug-os nga adlaw nga impeachment hearings sa Oktubre 1, 2, 5, 6, 7, 8, 9, 12, 13, 14, kag 15 agud tapuson ang pagpresentar sang mga ebidensya sang prosekusyon.
Suno kay Senator Miguel Zubiri, ginalauman nga matapos sang prosekusyon ang pagpresentar sang ila mga ebidensya sa Oktubre 15, ilabi na nga ginapahayag gina-istoryahan sang grupo ang posibilidad nga i-drop ang Article 3 nga naga-angot sa bribery kag corruption.
Sa tion nga matapos sang prosekusyon ang ila presentasyon, ginalauman nga magasugod na ang Senado sa pagpamati sa bahin sang depensa kon magbalik ang mga senador sa Nobyembre.
Apang, ang impeachment trial sa Nobyembre indi na mangin bug-os nga adlaw, bangud ang Senado magapadayon sang iya regular nga mga sesyon.
Ginhatagan man sang importansya nga sa tion nga magsugod na ang mga hearing para sa national budget, unahon sang Senado ang mga deliberasyon sa budget.
Bangud sini, temporaryo nga ipaiway ang impeachment proceedings samtang gina-istoryahan sang mga senador ang ginaduso nga national budget.
Sa pihak sini, ginalauman nga magabalik ang impeachment proceedings pagkatapos sang key budget hearings, sandig sa schedule kag desisyon sang Senado.
