-- ADVERTISEMENT --
Ginhingyo ni Deputy Speaker Paolo Ortega V kay Vice President Sara Duterte nga personal nga magtambong sa natalana nga impeachment trial sa Hulyo 6 agud masabat ang mga alegasyon batuk sa iya.
Suno kay Ortega, bisan pa nga nagaduhaduha siya nga magtambong ang Bise Presidente—bangud sang iya mga nauna nga indi pagtambong sa hearing sa kongreso, ang impeachment trial nagahatag sang husto nga kahigayunan para sa iya nga ipaathag ang iya bahin.
Ginhatagan man niya pagtamod nga madugay na nga ginahulat sang publiko ang mga sabat angut sa mga isyu nga ginahaboy batok kay Duterte.
Ginpahayag ni Ortega nga handa ang House prosecution panel nga magpresentar sang ila mga ebidensya kag mga testigo sa pagsugod sang trial.
