ROXAS CITY – Gindepensahan naman ni City Councilor Albert Gregory Potato ang pagrequire sang health certification sa magasulod sa Roxas City, kasubong na lamang sa mga driver kag pahinante sang trak nga naga-deliver sang mga essential goods sa syudad sang Roxas.
Suno sa Konsehal nga antes pa nagpaguwa sang Executive Order ang gobernador sang probinsiya, ginapangitaan na sang health certificate ang nagasulod sa Roxas City sa diin balasehan ini nga indi sila Persons Under Monitoring (PUI’s) kag Person’s Under Investigation (PUI), bangud ang ila dala nga dokumento ang gikan sa ila LGU.
Ginklaro pa sang konsehal indi kinahanglan ang health certificate sang magasulod nga residente sang Roxas City bangud may yara sang pangalan sang mga PUI’s kag PUM ang City Health Office.
Ginpanindugan pa ni Potato nga kun istirkto man ang pagpatuman sang mga border restriction sa syudad sang Roxas, ini bangud ginaprotektyunan lamang sang gobyerno sang syudad ang mga pumuluyo batuk sa COVID-19 pandemic.
Ginklaro pa ni Potatlo nga wala gina-upangan sang syudad ang pagsulod sang mga essential goods nga dala sang mga truck, apang kinahanglan lamang kuntani nga magsunod sila sa pagsulundan bangud sila sa City government nagahimud-us nga maprotehiran ang mga pumuluyo.
Apang magasunod sila sa gihapon sa mas mataas sa ila kasubong sa provincial government kun may laye nga nagamandu nga indi na kinahanglan ang rekisitos sa pagsulod sa syudad sang Roxas
