Nagnubo ang importasyon sang bugas sang pungsod sa sulod sang una nga lima ka bulan sang tuig sa 12.55 porsyento sa tuigan nga basehan nga nagalab-ot sa kapin 2.5 million metric tons, suno sa Bureau of Plant Industry (BPI).
Sandig sa pinakaulihi nga datos sang Bureau of Plant Industry (BPI), nagapakita nga ang importasyon sang bugas umpisa Enero tubtob Mayo naglab-ot sa 1.88 million metric tons, kapin 270,000 MT nga mas manubo kumpara sa 2.15 million metric tons nga narecord sa amo man nga panahon sang nagligad nga tuig.
Nagnubo ang importasyon sang bugas subong kumpara sang tinalikdan nga tuig bangud sa mataas nga carry-over stocks matapos nga ang pribado nga sektor nagdala sang mataas nga volume record nga 4.8 million metric tons sang 2024.
Dugang pa diri, ang pagpatuman sang maximum suggested retail price sa mga imported premium rice nakabulig man sa pagpanubo sang importasyon sang bugas base sa obsernasyon sang mga negosyante.
Una na nga ginlantaw sang Department of Economy, Planning and Development nga sa subong nga tuig, ang importasyon sang bugas ang magadangat lamang sa 3.45 million metric tons, nga 28 porsyento nga pagnubo gikan sa kadamuon sang nagligad nga tuig.
Nahibaluan nga sang Hunyo 5 sini nga tuig, yara sa kabug-usan 1.92 million MT ang na-import na nga bugas, sa diin three-fourth ukon kabaylo sa 1.43 million MT nagikan sa Vietnam, ang nagapanguna nga supplier sang bugas sa pungsod, suno sa datos sang Bureau of Plant Industry.
Sa Hunyo 5, ang kabug-osan nga pag-import sang humay nakaabot sa 1.92 milyon MT, nga ang tatlo ka-kapins o mga 1.43 milyon MT nagahalin sa Vietnam, ang nangunguna nga supplier sang humay sa pungsod, suno sa datos sang BPI.
Naglab-ot man sa 290,680 metric tons ang na-import nga bugas nagikan sa Myanmar, samtang 106,350 metric tons Thailand kag nagdangat man sa 71,761 metric tons ang nagikan sa Pakistan.
Samtang, ang pungsod nag-import man sang 19,309 MT halin sa India, 2,000 MT halin sa South Korea, 1,350 MT halin sa Cambodia, 1,200 MT halin sa Singapore, 336 MT halin sa Japan, 0.77 MT halin sa Italya kag 0.35 MT halin sa Espanya.
Nag-isyu man ang Bureau of Plant Industry (BPI) sang 3,266 nga sanitary kag phytosanitary nga mga import clearances halin sa Enero tubtob Hunyo 5, nga nagarepresentar sang kabug-osan nga gin-aplikar nga import volume sang ginabulubanta 2.76 milyon MT.
