Arestado ang isa ka incumbent Punong Barangay matapos ginserbe sang mga otoridad ang search warrant sa iya balay sa Sitio Ilongbukid, Barangay San Pedro, Pontevedra, Capiz.
Ang naaresto amo si Roger Deluso, 59-anyos, nagaserbe nga Punong Barangay sang nasambit nga lugar.
Ang operasyon kabahin sang OPLAN PAGLALANSAG OMEGA, nga ginpangunahan ni ni PMAJ Andre Angeles, pinuno sang CIDG Capiz Provincial Field Unit (Lead Unit), sa koordinasyon sang Pontevedra Municipal Police Station (MPS), PIT Capiz-RIU6, kag Capiz PPO-PIU.
Ginpatuman ang pagserbe sang Search Warrant No. 39-2026 may kaangtanan sa paglapas sa Republic Act No. 10591 ukon Comprehensive Firearms and Ammunition Regulation Act.
Sa ginpatigayon nga search and seizure operation, narekober ang mga masunod:
Isa ka unit sang caliber .45 Para-Ordnance pistol, nga duag itom kag may Serial No. 657191;
Duha steel magazine para sa caliber .45 pistol;
16 nga live ammunition para sa caliber .45 pistol;
isa ka unit sang caliber .38 revolver, duag itom, Serial No. 54500;
isa ka unit sang 12-gauge homemade shotgun nga wala sang serial number;
isa ka steel magazine para sa 12-gauge homemade shotgun;
isa ka camouflage holster; kag
isa ka brown sling bag nga ginaalegar ginagamit nga bulutangan sang .45 pistol, magazine, kag mga bala.
