ROXAS CITY – Nagapati si anay Iloilo 5th District Rep. Niel Tupas Jr., nga may pressure ang indefinite leave ni Chief Justice Ma. Lourdes Sereno sa Korte Suprema.
Sa exclusive interview sang Bombo Radyo Roxas kay Tupas Jr., ginpahayag sini nga kasunod sang ginapangatubang nga impeachment complaint ni Sereno ang pressure sang mga kaupdanan sa Korte Suprema kag sa iya nga palibot.
Wala nalikawan sang anay kongresista nga magkomento sa ginaalegar pressure sa indefinite leave ni Sereno bangud antes sini mabaskog na ang huring huring nga kasubong ginapressure sang mga justices ang punong mahistrado, para mahatagan sini sang konsentrasyon ang impeachment complaint sa Kongreso.
Samtang wala nalikawan sang anay kongresista nga ikumpara ang sitwasyon karon ni Sereno kay anay CJ Renato Corona apang ang kinalain lamang sang duha bangud suportado sang Korte Suprema si Corona samtang ginakaisahan naman sa karon si Sereno.
