Gin-athag ni Independent Commision for Infrastructure Spokesperson Brian Keith Hosaka nga magapabilin sa pribado ang mga hearing sang komisyon agud malikawan ang misleading ukon magpatalang sang testimonya sang mga tawo nga gina-imbestigaran.
Suno kay Hosaka, sensitibo ang mga isyu nga gina-istoryahan, gani kinahanglan anay nga siguraduhon nga insakto kag kompleto ang tanan nga impormasyon antes ipahibalo sa publiko.
Tinutuyo sang komisyon nga mapabilin ang kredibilidad sang imbestigasyon kag malikawan ang mga espekulasyon nga mahimo makahalit sa reputasyon sang mga involved samtang nagapadayon pa ang proseso.
Sa pihak nga bahin, nakigsapol man ang bag-o nga ICI Special Adviser nga si Gen. Rodolfo Azurin Jr. sa mga katapo sang komisyon. Ginalauman nga maga-upod ini sa groupo sa palaabuton nga imbestigasyon pagkatapos sang iya pagsumpa sa iya bag-o nga posisyon.
