-- ADVERTISEMENT --
MAMBUSAO, CAPIZ – Yara na sa kustodiya sang Mambusao Municipal Police Station ang isa ka armas-luthang matapos nga boluntaryo nga ginsungka sang isa ka punong barangay sa banwa sang Mambusao, Capiz.
Boluntaryo nga ginsungka ni Punong Barangay Nestor Gaspar sang Barangay Calaagus, sang nasambit nga banwa sa mga kapulisan ang isa ka unit sang home made 12-gauge shot gun.
Natalana nga iturn-over sang mga kapulisan ang nasambit nga armas-luthang sa Capiz Police Provincial Office para sa nagakaigo nga disposisyon.
