Indi pag-intindihanay ang ginatudlo rason sang nagluntad nga stabbing incident sa Sitio Pinuagan, Barangay Tincupon, Panitan, Capiz.
Ang mga biktima nga sanday alyas “Reymil”, 20-anyos,, alyas “AA”, 27-anyos, alyas “Ryan”, 30-anyos, alyas “Romnick”, 35-anyos, isa ka mamumugon.
Samtang, ang mga suspek amo sanday alyas “Joefry” kag alyas “Jessie”, lunsay yara sa legal nga pang-edaron kag mga residente sang nasambit nga lugar.
Sa interview sang Bombo Radyo kay Police Lieutenant Larry Pasmo, Deputy Chief of Police sang Panitan Municipal Police Station, iya ginapahayag nga nagluntad ang insidente matapos nga ang magtimbang nga kampo ang nagbugguanay sa baylehan sa fiesta nga ginpatigayon sa amo nga lugar.
Didtu nagluntad ang tensyon sa tunga ni alyas Joefry, isa sa mga suspek kag biktima nga si Reymil,apang lipod sa ihibalo sang biktima, may dala nga kutsilyo ang isa sa mga suspek nga si Jessy rason nga sang nakita sini ang tensyon gilayon sini nga ginbuno si alyas Reymil nga naigo sa tiyan.
Ang tatlo pa ka biktima nga sanday alyas AA, Ryan kag Romnick, ang magatambag lang kuntani apang sa baylo nga mauntat ang kinagamo, lunsay man sila nga ginpangbuno sang suspek nga lunsay man nakaangkon sang pilas sa lawas.
Madasig naman nga gindala ang mga biktima para sa nagakaigo nga pagbulong.
Natigayon naman nga naaresto sang kapulisan ang ma suspek apang nakaguwa na matapos ang reglementary period.
Sa subong, nagapadayon ang pagpakig-angot sang mga kapulisan sa magtimbang nga bahin agud mahibaluan kun magapasaka sang kaso ukon magapatigayon sang settlement.
