Nagulpihan kag indi sa gihapon magpati ang pamilya kag himata ni alyas Boyet, ang driver sang traysikol nga napatay sa nagluntad nga aksidente sa dalanon sang Barangay Lawaan, Roxas City.
Sa interview sang Bombo Radyo kay Nanay Mae, himata ni alyas Boyet, kag residente sang Malipayon Village, Barangay Tiza sa sining syudad, madugay na ini nga nagabyahe sang traysikol sa syudad si Boyet, halin pa sang una ang pagbyahe sang traysikol ang iya sini nga ginapangabuhian kag nagapa-renta man ini sang videokehan.
Dugang pa sini, mabuot kag mabinuligon si Boyet sa iya abyan kag pamilya. Luyag naman sang pamilya nga maagom ang hustisya sa pagkadula ni Boyet.
Matandaan nga gindeklarar nga dead on arrival sang ginpadangat si Boyet sa isa ka pribado nga ospital bangud sa nangin makusog nga impact sini rason nga natumba kag nagbaliskad ang traysikol kag inapok ini.
