Kadungan sa pagselebrar sang Indigenous Peoples Month subong nga tuig, ginhatagan ini sang importansya sang gobyerno probinsyal pinaagi sa paghimo sang pila ka mga aktibidad kag programa kung sa diin nagapakita kag nagadumdum sa pangabuy-anan sang mga katutubo subong man sang kultura.
Sa interview sang Bombo Radyo sa Provincial Tourism and Cultural Affairs Office Head nga si Mr. Alphonsus D. Tesoro, ginpahayag sini nga ini nga selebrasyon ang ila ginsuguran sumugod pa sadtong 2009 tubtob subong kung sa diin kinahanglan dumdumon kag kilalanon ang IP’s agud mapabilin ang respeto kag ang ila kinamatarong.
Mahibaluan nga antes paman ang Oktobre una na na nagpatigayon sang Municipal Tourism Month with the Theme: Tourism and Peace sa Barangay Jaena Sur, Jamindan, Capiz sadtong Setyembre kung sa diin isa ka komunidad sang mga Indigenous People nga Panay Bukidnon kag naga tib-ong sang turismo sang banwa.
Isa pa sa nagapadayon nila nga programa ilabi na sa banwa sang Tapaz amu ang Masters Creation kung sa diin ini ang pagsuporta sa mga cultural masters sang traditional embroidery nga madamo na ang demand nga naglab-ot na sa luwas sang pungsod.
Suno kay Tesoro nga indi lamang ini pagpakita sang abilidad sang Panay Bukidnon kundi subong man pagtuon sa mga tawo nga yara sa lowlands may kaangtanan sa oral traditions.
