Importante nga layi sa kinamatarong sang Indigenous Community sa pungsod ang Indigenous Peoples’ Rights Act ukon IPRA law.
Sa interview sang Bombo Radyo kay Atty. Criselda Heredia sang Integrated Bar of the Philippines, iya ginpahayag nga ang IPRA Law amo ang nagahatag sang legal nga proteksyon sa mga indigenous communities lakip na ang ila katungdanan sa ancestral domains, kultura, tradisyon kag pagdumala sang ila komunidad.
Suno kay Hederia, daku ang importansya sang ancestral domain bangud ini ang lugar nga ginatiniran kag ginakuhaan sang ila palangabuhian sa madugay na nga tion.
Pahayag pa niya, apisar may ara sang kasubong sini nga layi, suno sa iya padayon nga nagaatubang sang nagkalain-lain nga challenge ang mga katutubo kaangay sang isyu sa duta, implementasyon sang mga programa kag kakulangan sa kaalam sang publiko parte sa ila mga katungdanan.
Nagpanawagan naman ang natungdan sa publiko nga respetuhon kag suportahan ang mga katungdanan sang Indigenous Peoples nga ginagarantiya sang IPRA Law, kag kilalahon ang ila importante nga kontribusyon sa kasaysayan, kultura kag pag-uswag sang pungsod.
