Ginkumbinsi ni infectious disease expert Rontgene Solante ang Department of Health (DOH) nga dasigon ang pagbakal sang mga bakuna kontra sa flu ukon anti-flu vaccine.
Suno kay Dr. Solante, kinahanglan na nga magbakal sang DOH sang 5 million doses sang flu vaccine tungod sa ginalauman nga pagtaas liwat sang influenza cases sa masunod nga mga binulan.
Ang mga pagabaklon nga mga bakuna ang pwede ibakuna para sa mga senior citizen kag mga vulnerable population.
Ini agud mahatagan sila sang bastante nga proteksyon kag malikawan ang mortality, masami nga pagkadto sa ospital, kag iban pa nga komplikasyon sang flu ukon trangkaso.
Dugang pa ni Solante, importante na sumugod pa sadtong abril, naumpisahan na tani ang pagbakuna sa mga senior.
Ang pangamlig nga peak suno diri ang magasugod sa Agusto tubtob Disyembre kag posible nga ini ang magapadayon pa tubtob sa bulan sang Enero.
Sa karon, si Dr. Solante ang lead convenor sang Raising Awareness on Influenza to Support Elderlies (RAISE) Coalition.
Dugang pa sini, 8.81% sang adult population sa Pilipinas nga may edad 60 pataas ang nabakunahan na sang nakaligad nga tuig 2022 kontra sa influenza.
Kinahanglan suno sa iya sang coverage sang pagbakuna kag kun mahimo, mbakunahan na ang tanan nga mga senior kontra sa nasambit nga balatian.
