Inflation, posible nga maglab-ot sa 3.9% subong nga Marso — BSP ‎ ‎ ‎

Posible nga maglab-ot sa tunga sang 3.1% tubtob 3.9% ang inflation subong nga Marso, suno sa Bangko Sentral ng Pilipinas (BSP). ‎ ‎

Suno sa BSP, tuga ini sang pagtaas sang presyo sang petrolyo, bugas, kag kuryente, dugang pa ang pagluya sang piso.

Subong man, nakabulig ang pagnubo sang presyo sang otan, isda, kag karne agud mapunggan ang mas mataas nga inflation. ‎ ‎

Sang Pebrero, narekord ang inflation sa 2.4%. Suno kay Dennis Mapa, mahimo pa ini nga magtaas sa mga susunod nga bulan bangud sa krisis sa Middle East. ‎ ‎

Samtang, ginalauman sang BSP nga magalab-ot sa average nga 5.1% ang inflation sa bug-os nga 2026—lapaw sa target sang gobyerno nga 2% tubtob 4%.