Inflation rate sang pila ka mga nagapanguna nga balaklon sa Probinsya sang Capiz, naghinay

Naghinay ang pagsaka sang presyo ukon inflation rate sang pila ka mga nagapanguna nga balaklon sa probinsya sang Capiz sang Agosto 2026.

Suno kay Rosiebelle A. Beluso, Officer-in-Charge sang Philippine Statistics Authority Capiz, iya ginpahayag nga nagnubo ang inflation rate sang mais sa 7.6 percent halin sa 7.8 percent sa bulan sang Hulyo.

Nagnubo man ang inflation sang itlog sa 3.5 percent halin sa 4.0 percent, samtang ang mga utanon yara sa 6.8 percent halin sa 10.8 percent sang nagligad nga bulan.

Suno pa sa natungdan, nga sa amo nga record nagapakita lamang ini nga wala sang pagsaka sa pila ka mga presyo sang nagapanguna nga balaklon sa Capiz.