Manageable sa gihapon ang headline inflation, bisan pa nga nagtaas ini sang gamay sa 1.4 percent sini nga Hunyo gikan sa 1.3 percent sang Mayo.
Yara pa ini sa ginabulubanta nga range sang Bangko Sentral ng Pilipinas (BSP).
Sa una nga anum ka bulan sang 2025, ang average inflation nagpabilin sa 1.8 percent, mas manubo sa target sang gobyerno nga 2 tubtob 4 percent.
Nagnubo ang food inflation bangud sa barato nga presyo sang mga utanon kag bugas, nga na-establisar sang mas maayo nga produksyon kag mga tikang sang gobyerno.
Ang non-food inflation nagtaas bangud sa pagtaas sang gasto sa pabalay, tubig, kuryente, gas, kag iban pa nga gatong.
Nagapabilin nga wala nagbag-o ang bulanan nga inflation sa 0.2 percent kag ang core inflation sa 2.2 percent sa ika-apat nga asud-asod nga bulan.
Ginalauman nga ang inflation maganubo pa gid sa 2025 antes magbalik sa target nga lebel, samtang ang BSP padayon nga nagaduso sang malig-on nga presyo para sa malawig nga pag-uswag sang ekonomiya.
