Ginalantaw sang Bangko Sentral ng Pilipinas (BSP) nga magatupa sa 3.4 tubtob 4.2 percent ang inflation rate sa Pilipinas sa bulan sang Hunyo.
Sa pahayag sang BSP, ginpahayag nga ang mataas nga presyo sa bugas, ulutanon, karne kag isda ang mga rason nga posible magataas gihapon ang inflation sa pungsod.
Lakip man sa mga ginalantaw nga factors sang ahensya, amo ang mataas nga presyo sa produkto sang petrolyo kag ang pagnubo sang balor sang peso.
Dugang pa sang ahensya, ang ginalantaw sini nga makapahagan-hagan sa consumer price index, amo ang manubo nga power costs kag presyo sang mga prutas.
Matandaan, nga yara sa 2.8% ang inflation sa imbukada sang tuig; sa bulan sang Pebrero, nagtaas sa 3.4%, 3.7% sang Marso, 3.8% sang Abril kag 3.9% naman sang Mayo, ini ang bangud sa padayon man nga pagsaka sa presyo sang pagkaon, gatong, kag elektrisidad.
