Naglab-ot na sa kapin P1 billion ang halit nga gintuga sang magnitude 7.8 nga linog sa General Santos City, santo sa Department of Public Works and Highways (DPWH).
Suno kay DPWH Secretary Vince Dizon, isa ini sa pinakamabaskog nga linog nga narecord sa kalibutan sa sini nga tuig.
Padayon nga nagabuligay ang DPWH kag lokal nga gobyerno sa pag-imbestigar sang kahimtangan sang mga istruktura kag sa pagseguro sang seguridad sang mga residente batok sa posible nga aftershocks.
Masobra 10,000 ka pamilya sa Sarangani kag Sultan Kudarat ang nagbakwit bangud sa kahadlok kag kadaot nga gintuga sang linog.
Bangud sa sitwasyon, ginmando ni President Ferdinand Marcos Jr. ang pagsuspender sang klase sa tanan nga apektado nga lugar sa Mindanao tubtob sa masunod nga pahibalo.
