ROXAS CITY – Nagpabalhag sang reklamo ang isa ka inhenyero/engineer matapos ginaalegar nabiktima sang modus sa isa ka daku nga mall diri sa Arnaldo Blvrd, Roxas City.
Suno sa tagreklamo nga si Ryan Gumme, 31 anyos kag temporaryo nga naga-istar sa Poblacion Ilaya, Cuartero, Capiz nga samtang yara ini sa isa ka stall sang nagapili sang mga phone accessories agud magbakal kuntani sang case sang iya sini nga cellphone sang hinali nga ginaalegar nakuhaan ini sang laragway sang isa ka babayi.
Nahibaluan nga indi makaintiendi sang local dialect ang biktima samtang ginaistorya ini sang isa ka babayi kag gnhulam ang iya sini cellphone.
Bangud diri, ginpahulam man sini ang iya cellphone apang hinali na lamang gin-dalagan sang babayi padulong sa kakilala sini nga lalaki.
Suno sa tagreklamo nga ginaangkon sang amo nga babayi ang cellphone apang hugot man nga ginapakigbato sang tagreklamo nga iya ini kag gilayon man nga ginbuy-an sang babayi ang cellphone rason nga ginpakamaayo na lamang sini nga ipabalhag sa pulisys ang insidente.
